كنا زمان بنقول ان الرجالة ماتت في الحرب،، و كان قصدنا على حرب 73، من بعد ما شفت الفيديو ده مش هقول غير ان الرجالة ماتت في الثورة .
مشكلة الثورة دي انها كانت ثورة شعبية .. يعني كان الناس كتيرة و زحمة و محدش دريان بالتاني.. عشان كده من السهل جداً انك تلاقي أي واحد يقول اي حاجة عن اي شئ و محدش هيقدر يصدقه او يكدبه.. و كلنا فاكرين تامر بتاع غمرة و الراجل بتاع الكنتاكي.. و أخيراً الشاب " محمد عادل احمد احمد " قائد ثورة 25 يناير و محرر مصر من براثن حسني مبارك
أعتقد عزيزي المتصفح انك لو كنت انسان عندك عقل و منطق مش هتقدر تستحمل كم القرف و الهبل و الهطل اللي هتلاقيه في الفيديو ده ..
قبل اي شئ احب اسجل اعتذار للأخ مرتضى منصور على اني شتمته لما اتريق على الثورة و قال انها مش ثورة و ان مفيش ثورة يبقى القائد بتاعها شادي ووائل.. و اقوله يا مرتضى لو فعلا الاخ ده عمل كل اللي قال عليه في الفيديو انا بأتبرى من الثورة دي و ياريتها ما حصلت عشان ما نشوفش الاشكال الزبالة دي
ليست هناك تعليقات:
إرسال تعليق